【愛旅行】跟著旅行團趴趴走(I)‧一次過去勻釜山、濟州、慶州！ @ iamtszyiu

講起旅行，究竟你想輕輕鬆鬆出國玩 (咩都唔洗諗淨係帶個人去) 定係去一個自己plan左好耐 (富意義) 既旅程？如果係前者既話參加旅行團就最適合不過喇～後者既話就緊係約埋三五知己或者屋企人自由行啦：）

好喇，講返正題，參加得旅行團去韓國其實都係凌晨機多 (所以係前一晚係機場集合，然後一朝早就到韓國)。今次坐既機係KE大韓航空直飛到釜山，所以即使你同tszyiu一樣係凌晨02:05起飛，飛行餐都係有飯食 (這是重點嗎？- -因為其他航空公司可能淨係得個包:P 不過凌晨機訓先係最重要!!!）然後到步後就會有少少時間係機場去atm㩒錢／銀行換錢／廁所／便利店買小食／買電話卡／拎wifi egg，跟住就緊係上旅遊巴開始行程^^

攝於2016年11月 (還有紅葉耶!）

第一站首先係一段車程 (補眠時間yeah!) 到慶州看天馬塜、佛國寺(世界文化遺產之一)、普門湖水車風景區，就是認識一下文化跟拍拍照喇～然後午餐後再搭內陸機到濟州(大約1個鐘就到!），去個泰廸熊博物館 (中意bear bear既你可以瘋狂拍照:P) 然後就晚餐回酒店結束漫長既第一日~~

☜比起bear bear 我更愛羊咩咩:)

之後行程有搭船去「牛島」(位於濟州東北面的一個小島，因為地形似一頭臥牛伸著頭而得名)，而最神奇的是不單止人可以上船，連車都可以 (tszyiu是第一次見(掩臉)！！然後到埗後需要再轉小旅遊巴行走，之後行一段梯級登上最高峰牛島峰睇全島既景觀 (個陣有落一點小雨，所以階級都蠻滑的，落雨的話要小心咯～) ，其他景點有西濱白沙 (就是藍藍的海水跟幼幼的珊瑚沙海灘，不過不算太多遊客，拍拍照跟看看風㬌都蠻好的) 和東岸鯨窟 (以海蝕洞窟為名)。之後就去城山日出峰 (是「濟州十景」之一喔) ，又是行山的時間～不過登頂後從上面一覽整個景色也是醉了!!

☜啲車可以上船係最底層一架架排好

☜城山日出峰GO!

☜有相證明我真係有行上最頂架!! ~~(不過個樣就請省略吧...)~~

然後在濟州也有去HELLO KITTY ISLAND (樓高3層有cafe、精品店、電影小劇場，仲有超多影照位! ) 不過我不是fans就是了) ，也有看show - The Painters: HERO (我真的超愛看show，不會韓文也不要緊，是結合畫畫、音樂和舞蹈、幽默的無言劇～～) 推薦！

☜番外篇: 這是濟州龍頭岩，有像嗎？

再搭內陸機回釜山後有去甘川文化村 (應該是去釜山都必去的景點吧)，跟小王子的背面和五顏六色呈階梯式的房子拍照是常識吧(笑)。之後行街的話也有去百貨公司跟南浦洞、光復洞 (很好行，很容易燒錢T.T) 吃的話也有去富平罐頭夜市 (不算太大，就是一條街有很多不同美食，但價錢都不便宜喔，一個人去的話都試不到很多食物:(

☜內陸機的機票長這樣欸 (似張收據多啲:D)

☜這就是富平罐頭夜市入口 (有點不起眼的感覺吧)

☜行到入去就係咁兩邊都係店舖

☜那時候11月底街邊就有聖誕燈飾耶

☜蔘雞湯 (大愛)

☜足足5日4夜的行程就完了我返香港嚕

小結：其實參加旅行團最方便之處就係安排好哂啲交通，唔洗自己煩，好似去牛島咁自己去交通真係要慢慢plan，全程有旅遊巴就是不一樣:)，而且事無大少都有領隊導遊照顧安排，自然要煩既野就少好多啦～但有時壞處係一個行程中總會有啲你特別想去或者根本冇興趣既㬌點，但就都係要去哂同埋限制住啲時間 (所以報名時就要考慮清楚報邊個團最啱自己咯～～)

☜據聞這個地方標示左同唔同地方既距離 (同香港相差2021km欸!)